Muhabbat Jhoot hai…
“Ahed-e-WAFA” ik shughal hai bekar logoon ka
“Talab” Sookhey huye patoon ka be ronaq jazeera hai
“Khalish” Demak zada awraq per
Bo'seeda satroon ka zakheera hai
Chaloo choro!
Ke Ab tak main andheroon ki
Dhamak main saans ki Zarboon pe
Chahat ki bunyad rakh ker Safer kerta raha hoon
Mujhe ehsaas hi kab tha…
Ke Tum bhi mousmoon ke sath
Apnay pairhun ke rang badloo gay…
Chaloo choro!
Maira hona na hona ik baraber hai
Tum apnay haal-o-hud ko Aiynay main phir bikhrnay do
Tum apni ankh ki basti main phir se ik naya mousam utarnay do
“Mairay Khawaboon ko Murnay do”
Chaloo Choro!
Muhabbat Jhoot hai…!
Tum Ko Chaha Hey Magar Kuch Bhi Nahi Socha Ke
Dunya To Hai Eik Sarab Is Ke Siwa Kuch Nahi......!
Subscribe to:
Post Comments (Atom)
No comments:
Post a Comment